DICTIONARAM
Featuring English-Aramaic parallel biblical texts and other Aramaic language resources
Isaac
Birth of Isaac
Genesis 21:1-10
1 The Lord had remembered Sarah as he said, and the Lord did to Sarah as he spoke. 2 Then Sarah conceived and bore to Abraham a son for his old age at the time that God spoke with him. 3 Abraham named his son, who was born to him and whom Sarah bore, Isaac. 4 Abraham circumcised Isaac, his son, at eight-days-old, as God commanded him. 5 Abraham was a hundred years old when Isaac, his son, was born to him. 6 Sarah said, “God has made a great joy for me today; all who hear it will rejoice for me.” 7 She said, “Whoever said to Abraham that Sarah would nurse children? So I have borne to him a son for his old age.” 8 The boy grew and was weaned. Then Abraham made a great feast on the day Isaac was weaned. 9 Sarah saw the son of Hagar the Egyptian, whom she bore by Abraham, at play. 10 Then she said to Abraham, “Send forth this maidservant and her son because this maidservant’s son shall not inherit with my son Isaac.”
א ܘܡܳܪܝܳܐ ܐܷܬܿܕܿܟܰܪ ܠܣܰܪܳܐ ܐܰܝܟ ܕܐܷܡܰܪ: ܘܰܥܒܰܕ݂ ܡܳܪܝܳܐ ܠܣܰܪܳܐ ܐܰܝܟ ܕܡܰܠܷܠ. ב ܘܒܷܛܢܰܬܼ ܣܰܪܳܐ ܘܝܷܠܕܰܬܼ ܠܐܰܒ݂ܪܳܗܳܡ ܒܪܳܐ ܠܣܰܝܒܿܘܽܬܷܗ: ܠܙܰܒ݂ܢܳܐ ܕܡܰܠܷܠ ܥܰܡܷܗ ܐܰܠܳܗܳܐ. ג ܘܰܩܪܳܐ ܐܰܒ݂ܪܳܗܳܡ ܫܷܡ ܒܪܷܗ ܕܐܷܬܼܝܼܠܷܕ݂ ܠܷܗ ܕܝܷܠܕܰܬܼ ܠܷܗ ܣܰܪܳܐ ܐܝܼܣܚܳܩ. ד ܘܰܓܼܙܰܪ ܐܰܒ݂ܪܳܗܳܡ ܠܐܝܼܣܚܳܩ ܒܪܷܗ ܒܰܪ ܬܡܳܢܝܳܐ ܝܳܘܡܝܼ̈ܢ ܐܰܝܟ ܕܦܰܩܕܷܗ ܐܰܠܳܗܳܐ. ה ܘܐܰܒ݂ܪܳܗܳܡ ܒܰܪ ܡܳܐܐ ܗ̱ܘܳܐ ܫܢ̈ܝܼܢ ܟܰܕ݂ ܐܷܬܼܝܼܠܷܕ݂ ܠܷܗ ܐܝܼܣܚܳܩ ܒܪܷܗ. ו ܘܐܷܡܪܰܬܼ ܣܰܪܳܐ: ܚܰܕ݂ܘܽܬܼܳܐ ܪܰܒܬܼܳܐ ܥܒܰܕ݂ ܠܝܼ ܐܰܠܳܗܳܐ ܝܳܘܡܳܢܳܐ: ܟܠ ܕܫܳܡܰܥ ܢܷܚܕܷܐ ܠܝܼ. ז ܘܐܷܡܪܰܬܼ. ܡ̣ܢ ܐܷܡܰܪ ܠܐܰܒ݂ܪܳܗܳܡ ܕܬܰܝܢܷܩ ܒܢܰܝܳܐ ܣܰܪܳܐ: ܕܝܷܠܕܰܬܼ ܠܷܗ ܒܪܳܐ ܠܣܰܝܒܿܘܽܬܼܳܗ. ח ܘܰܪܒ݂ܳܐ ܛܰܠܝܳܐ ܘܐܷܬܚܣܷܠ: ܘܰܥܒܰܕ݂ ܐܰܒ݂ܪܳܗܳܡ ܡܰܫܬܿܝܳܐ ܪܰܒܳܐ ܒܝܳܘܡܳܐ ܕܐܷܬܼܚܣܷܠ ܐܝܼܣܚܳܩ. ט ܘܰܚܙܳܬܼ ܣܰܪܳܐ ܠܒܰܪ ܗܳܓ݂ܳܪ ܡܷܨܪܳܝܬܳܐ ܕܝܷܠܕܰܬܼ ܠܐܰܒ݂ܪܳܗܳܡ ܡܓܰܚܷܟ. אי ܘܐܷܡܪܰܬܼ ܠܐܰܒ݂ܪܳܗܳܡ: ܐܰܦܩܷܝܗܿ ܠܐܰܡܬܼܳܐ ܗܳܕܷܐ ܘܠܰܒ݂ܪܳܗ: ܡܷܛܠ ܕܠܳܐ ܢܷܐܪܰܬܼ ܒܰܪ ܐܰܡܬܼܳܐ ܗܳܢܳܐ ܥܰܡ ܒܷܪܝ ܐܝܼܣܚܳܩ.
Birth of Isaac
Genesis 21:1-10
14 Abraham rose early in the morning, took bread and a skin of water, gave them to Hagar, put them upon her shoulder and the boy, and sent her off. She went and wandered in the wilderness of Beer-sheba. 15 The water from the skin ran out, and she cast the boy beneath one of the shrubs, 16 went, sat down afar, and distanced herself a bowshot away because she said, “I shall not see the boy’s death.” She sat afar, raised her voice, and wept. 17 God heard the boy’s voice, and God’s angel called Hagar from Heaven and said to her, “What is the matter with you, Hagar? Do not fear, for God has heard the boy’s voice where he is. 18 Rise, lift up the boy, and grasp him with your hand because I will make him a great people.” 19 Then God opened her eyes, and she saw a well of water. She went, filled the skin with water, and gave drink to the boy. 20 God was with the boy. He grew, settled in the wilderness of Paran, and learnt the bow in the wilderness of Paran.
אד ܘܩܰܕܷܡ ܐܰܒ݂ܪܳܗܳܡ ܒܨܰܦܪܳܐ: ܘܰܢܣܰܒ݂ ܠܰܚܡܳܐ ܘܪܰܩܒ݂ܳܐ ܕܡܰܝܳܐ ܘܝܰܗ̱ܒ݂ ܠܗܳܓ݂ܳܪ: ܘܣܳܡ ܥܰܠ ܟܰܬܼܦܳܗܿ ܘܰܠܛܰܠܝܳܐ: ܘܫܰܕܪܳܗ ܘܐܷܙܰܠ̱ܬܼ: ܘܰܛܥܳܬܼ ܒܡܰܕ݂ܒܿܪܳܐ ܕܒܷܪ ܫܒܰܥ. אה ܘܰܓܼܡܰܪܘ ܡܰܝ̈ܳܐ ܡ̣ܢ ܪܰܩܒ݂ܳܐ: ܘܐܰܪܡܝܼܬܷܗ ܠܛܰܠܝܳܐ ܬܚܷܝܬܼ ܚܰܕ݂ ܡ̣ܢ ܣܝܼ̈ܚܷܐ. או ܘܐܷܙܰܠ̱ܬܼ ܘܝܷܬܼܒܰܬܼ ܡ̣ܢ ܩܒ݂ܘܳܠ: ܐܰܪܚܩܰܬܼ ܐܰܝܟ ܡܰܫܕܷܐ ܒܩܷܫܬܳܐ: ܡܷܛܠ ܕܐܷܡܪܰܬܼ ܕܠܳܐ ܐܷܚܙܷܐ ܒܡܳܘܬܷܗ ܕܛܰܠܝܳܐ: ܘܝܷܬܼܒܰܬܼ ܡ̣ܢ ܩܒ݂ܘܳܠ: ܘܐܰܪܝܼܡܳܬܼ ܩܳܠܳܗܿ ܘܰܒ݂ܟ݂ܳܬܼ. אז ܘܰܫܡܰܥ ܐܰܠܳܗܳܐ ܒܩܳܠܷܗ ܕܛܰܠܝܳܐ: ܘܰܩܪܳܐ ܡܰܠܰܐܟܷܗ ܕܐܰܠܳܗܳܐ ܠܗܳܓܰܪ ܡ̣ܢ ܫܡܰܝܳܐ ܘܐܷܡܰܪ݂ ܠܳܗ. ܡܳܐ ܠܷܟ݂ܝ ܗܳܓ݂ܳܪ: ܠܳܐ ܬܷܕ݂ܚܠܝܼܢ: ܡܷܛܠ ܕܰܫܡܰܥ ܐܰܠܳܗܳܐ ܒܩܳܠܷܗ ܕܛܰܠܝܳܐ ܐܰܬܰܪ ܕܗܘ̱. אח ܩܘܽܡܝ ܫܩܘܳܠܝ ܠܛܰܠܝܳܐ ܘܚܰܡܣܷܢܝ ܐܝܼܕܰܝܟܿܝ ܒܷܗ: ܡܷܛܠ ܕܰܠܥܰܡܳܐ ܪܰܒܳܐ ܐܷܥܒܿܕ݂ܝܘܽܗܝ. אט ܘܰܦܬܰܚ ܐܰܠܳܗܳܐ ܥܰܝܢܷ̈ܝܗ: ܘܰܚܙܳܬ ܒܷܪܳܐ ܕܡܰܝ̈ܳܐ: ܘܐܷܙܰܠ̱ܬܼ ܘܰܡܠܳܬܼ ܪܰܩܒ݂ܳܐ ܡܰܝ̈ܳܐ ܘܐܰܫܩܝܳܬܷܗ ܠܛܰܠܝܳܐ. בי ܘܰܗ̱ܘܳܐ ܐܰܠܳܗܳܐ ܥܰܡܷܗ ܥܰܡ ܛܰܠܝܳܐ: ܘܰܪܒ݂ܳܐ ܘܝܼܬܷܒ݂ ܒܡܰܕ݂ܒܿܪܳܐ ܕܦܳܪܳܢ ܘܝܼܠܷܦ ܗ̱ܘܳܐ ܩܷܫܬܳܐ ܒܡܰܕ݂ܒܿܪܳܐ ܕܦܳܪܳܢ.
Journey to Moriah
Genesis 22:1-8
1 After these events, God had tested Abraham and said to him, “Abraham!” He said, “Here I am.” 2 He said to him, “Take your son, your only one whom you love, Isaac, and go to the land of Amorites. Bring him up there as a burnt offering on one of the mountains I shall tell you.” 3 Then Abraham rose early in the morning, mounted on his donkey, and took two of his young men with him and Isaac, his son. He split the wood for the burnt offering, rose, and went to the place God told him. 4 On the third day Abraham raised up his eyes and saw that place from afar. 5 He said to his young men, ‘Stay here with the donkey. The boy and I shall go until there, worship, and return to you.” 6 Abraham took up the wood for the burnt offering, set it on Isaac, his son, and took in his hand the fire and knife, and the two of them walked as one. 7 Isaac spoke to Abraham, his father, and said, “Father!” He said, “Here I am, my son.” He said to him, “Here is the fire and wood. Where is the lamb for the burnt offering?” 8 Abraham said, “God shall see to the lamb for the burnt offering, my son.” And the two of them walked as one.
א ܘܰܗ̱ܘܳܐ ܡ̣ܢ ܒܳܬܰܪ ܦܷܬܼܓ݂ܳܡܷ̈ܐ ܗܳܠܷܝܢ: ܐܰܠܳܗܳܐ ܢܰܣܝܼ ܠܐܰܒ݂ܪܳܗܳܡ ܘܐܷܡܰܪ݂ ܠܷܗ: ܐܰܒ݂ܪܳܗܳܡ: ܘܐܷܡܰܪ݂ ܗܳܐ ܐܷܢܳܐ. ב ܘܐܷܡܰܪ݂ ܠܷܗ. ܕܒܰܪ ܠܰܒ݂ܪܳܟ݂ ܠܝܼܚܝܼܕ݂ܳܝܳܟ݂ ܕܪܳܚܷܡ ܐܰܢ̱ܬ ܠܐܝܼܣܚܳܩ: ܘܙܷܠ ܠܳܟ݂ ܠܐܰܪܥܳܐ ܕܐܳܡܘܳܪ̈ܳܝܷܐ: ܘܐܰܣܷܩܰܝܼܗܝ ܬܰܡܳܢ ܠܰܥܠܳܬܼܳܐ ܥܰܠ ܚܰܕ݂ ܡ̣ܢ ܛܘܽܪܷ̈ܐ ܕܐܷܡܰܪ ܠܳܟ. ג ܘܩܰܕܷܡ ܐܰܒ݂ܪܳܗܳܡ ܒܨܰܦܪܳܐ ܘܐܰܪܡܝܼ ܥܰܠ ܚܡܳܪܷܗ: ܘܰܕ݂ܒܰܪ ܠܰܬܼܪܷܝܢ ܥܠܰܝܡܳܘ̈ܗܝ ܥܰܡܷܗ ܘܠܐܝܼܣܚܳܩ ܒܪܷܗ: ܘܨܰܠܰܚ ܩܰܝ̈ܣܷܐ ܠܰܥܠܳܬܼܳܐ: ܘܩܳܡ ܐܷܙܰܠ ܠܐܰܬܼܪܳܐ ܕܐܷܡܰܪ ܠܷܗ ܐܰܠܳܗܳܐ. ד ܘܰܠܝܳܘܡܳܐ ܬܠܝܼܬܼܳܝܳܐ ܐܰܪܝܼܡ ܐܰܒ݂ܪܳܗܳܡ ܥܰܝܢܳܘ̈ܗܝ ܘܰܚܙܳܝܗܝ ܠܐܰܬܼܪܳܐ ܗܳܘ̇ ܡ̣ܢ ܪܘܽܚܩܳܐ. ה ܘܐܷܡܰܪ݂ ܠܰܥܠܰܝܡܳܘ̈ܗܝ: ܦܘܽܫܘ ܠܟ݂ܘܳܢ ܗܳܪܟܳܐ ܠܘܳܬܼ ܚܡܳܪܳܐ: ܘܐܷܢܳܐ ܘܛܰܠܝܳܐ ܢܷܐܙܰܠ ܥܕܰܡܳܐ ܠܗܳܪܟܳܐ: ܢܷܣܓܿܘܳܕ݂ ܘܢܷܗܦܘܳܟ ܠܘܳܬܼܟ݂ܘܳܢ. ו ܘܰܢܣܰܒ݂ ܐܰܒ݂ܪܳܗܳܡ ܩܰܝ̈ܣܷܐ ܠܰܥܠܳܬܼܳܐ: ܘܣܳܡ ܥܰܠ ܐܝܼܣܚܳܩ ܒܪܷܗ: ܘܰܢܣܰܒ݂ ܒܐܝܼܕܷܗ ܢܘܽܪܳܐ ܘܣܰܟܿܝܼܢܳܐ: ܘܐܷܙܰܠܘ ܬܪܰܝܗܘܳܢ ܐܰܟ݂ܚ̱ܕ݂ܳܐ. ז ܘܐܷܡܰܪ݂ ܐܝܼܣܚܳܩ ܠܐܰܒ݂ܪܳܗܳܡ ܐܰܒ݂ܘܽܗܝ: ܘܐܷܡܰܪ݂ ܐܰܒ݂ܳܐ: ܘܐܷܡܰܪ݂ : ܗܳܐ ܐܷܢܳܐ ܒܷܪܝ ܘܐܷܡܰܪ݂ ܠܷܗ: ܗܳܐ ܢܘܽܪܳܐ ܘܩܰܝ̈ܣܷܐ: ܐܰܝܟܳܘ ܐܷܡܪܳܐ ܠܰܥܠܳܬܼܳܐ. ח ܘܐܷܡܰܪ݂ ܐܰܒ݂ܪܳܗܳܡ: ܐܰܠܳܗܳܐ ܢܷܚܙܷܐ ܠܷܗ ܐܷܡܪܳܐ ܠܰܥܠܰܬܼܳܐ ܒܷܪܝ: ܘܐܷܙܰܠܘ ܬܪܰܝܗܘܳܢ ܐܰܟ݂ܚ̱ܕ݂ܳܐ.
Sacrifice of Isaac
Genesis 22:9-12
9 They came to the place God told him, and Abraham built there an altar and arranged the wood. He bound Isaac, his son, and set him on the altar on top of the wood. 10 Abraham stretched out his hand and took the knife to sacrifice his son. 11 Then the angel of the Lord called out to him from Heaven and said, “Abraham, Abraham!” He said, “Here I am.” 12 He said, “Do not stretch your hand upon the boy and do nothing to him, for now you made known you fear God and you have not withheld your son, your only one, from me.”
ט ܘܐܷܬܼܳܘ ܠܐܰܬܼܪܳܐ ܕܐܷܡܰܪ ܠܷܗ ܐܰܠܳܗܳܐ: ܘܰܒ݂ܢܳܐ ܬܰܡܳܢ ܐܰܒ݂ܪܳܗܳܡ ܡܰܕ݂ܒܿܚܳܐ: ܘܰܣܕܰܪ ܩܰܝ̈ܣܷܐ: ܘܦܰܟ݂ܪܷܗ ܠܐܝܼܣܚܳܩ ܒܪܷܗ: ܘܣܳܡܷܗ ܥܰܠ ܡܰܕ݂ܒܿܚܳܐ ܠܥܷܠ ܡ̣ܢ ܩܰܝ̈ܣܷܐ. אי ܘܐܳܘܫܷܛ ܐܝܼܕܷܗ ܐܰܒ݂ܪܳܗܳܡ: ܘܰܢܣܰܒ݂ ܣܰܟܿܝܼܢܳܐ ܠܡܷܟ݂ܣܷܗ ܠܰܒ݂ܪܷܗ. אא ܘܰܩܪܳܐ ܠܷܗ ܡܰܠܰܐܟܷܗ ܕܐܰܠܳܗܳܐ ܡ̣ܢ ܫܡܰܝܳܐ ܘܐܷܡܰܪ݂: ܐܰܒ݂ܪܳܗܳܡ: ܐܰܒ݂ܪܳܗܳܡ: ܘܐܷܡܰܪ݂ ܗܳܐ ܐܷܢܳܐ. אב ܘܐܷܡܰܪ݂ ܠܷܗ: ܠܳܐ ܬܳܘܫܷܛ ܐܝܼܕ݂ܳܟ݂ ܥܰܠ ܛܰܠܝܳܐ: ܘܠܳܐ ܬܷܥܒܷܕ݂ ܠܷܗ ܡܷܕܷܡ: ܡܷܛܠ ܕܗܳܫܳܐ ܐܳܘܕܰܥܬܿ ܕܕ݂ܳܚܠܷܗܿ ܐܰܢ̱ܬ ܕܐܰܠܳܗܳܐ: ܘܠܳܐ ܚܣܰܟ݂ܬ ܠܰܒ݂ܪܳܟ݂ ܠܝܼܚܝܼܕ݂ܳܟ݂ ܡܷܢܝ.
Blessing on Abraham
Genesis 22:13-18
13 Abraham raised his eyes and saw here was one ram caught in the thicket by its horns. Abraham went, took the ram, and brought it up as a burnt offering instead of his son. 14 Abraham called the name of that place “The Lord shall see,” so it is said today, “On this mountain, the Lord shall see.” 15 The angel of the Lord called Abraham a second time from Heaven and said, 16 “By me I swore, says the Lord: ‘Since you did this deed and did not withhold your son, your only one, from me, 17 I shall indeed bless you. I will indeed increase your offspring like the sky’s stars and like the sand on the shore. Your offspring will inherit the lands of their enemies, 18 and all the peoples of the earth will be blessed by your offspring since you heard my voice.’”
אג ܘܐܰܪܝܼܡ ܐܰܒ݂ܪܳܗܳܡ ܥܰܝܢܳܘ̈ܗܝ ܘܰܚܙܳܐ: ܘܗܳܐ ܕܷܟ݂ܪܳܐ ܚܰܕ݂ ܐܰܚܝܼܕ݂ ܒܣܳܘܟܿܬܼܳܐ ܒܩܰܪ̈ܢܳܬܷܗ: ܘܐܷܙܰܠ ܐܰܒ݂ܪܳܗܳܡ ܘܢܰܣܒܷܗ ܠܕ݂ܟ݂ܪܳܐ: ܘܐܰܣܩܷܗ ܠܰܥܠܳܬܼܳܐ ܚܠܳܦ ܒܪܷܗ. אד ܘܰܩܪܳܐ ܐܰܒ݂ܪܳܗܳܡ ܫܡܷܗ ܕܐܰܬܼܪܳܐ ܗܳܘ̇: ܡܳܪܝܳܐ ܢܷܚܙܷܐ: ܕܐܷܬܼܐܡܰܪ ܝܳܘܡܳܢܳܐ ܒܛܘܽܪܳܐ ܗܳܢܳܐ ܡܳܪܝܳܐ ܢܷܚܙܷܐ. אה ܘܰܩܪܳܐ ܡܰܠܰܐܟܷܗ ܕܐܰܠܳܗܳܐ ܠܐܰܒ݂ܪܳܗܳܡ ܕܬܰܪܬܷܿܝܢ ܙܰܒ݂ܢܝܼܢ ܡ̣ܢ ܫܡܰܝܳܐ: ܘܐܷܡܰܪ݂. או ܒܝܼ ܝܼܡܝܼܬܼ ܐܳܡܰܪ ܡܳܪܝܳܐ. ܚܠܳܦ ܕܰܥܒܰܕܿܬܿ ܦܷܬܼܓ݂ܳܡܳܐ ܗܳܢܳܐ: ܘܠܳܐ ܚܣܰܟ݂ܬܿ ܠܰܒ݂ܪܳܟ݂ ܠܝܼܚܝܼܕ݂ܳܟ݂ ܡܷܢܝ. אז ܡܒܰܪܳܟ݂ܘܳ ܐܷܒܰܪܟ݂ܳܟ: ܘܡܰܣܓܳܝܘܽ ܐܰܣܓܷܐ ܙܰܪܥܳܟ݂ ܐܰܝܟ ܟܳܘ̈ܟܿܒܰܝ ܫܡܰܝܳܐ: ܘܐܰܝܟ ܚܳܠܳܐ ܕܥܰܠ ܣܷܦܬܷܗ ܕܝܰܡܳܐ: ܘܢܷܐܪܰܬܼ ܙܰܪܥܳܟ݂ ܐܰܪ̈ܥܳܬܼܳܐ ܕܰܒ݂ܥܷܠܕܿܒ݂ܳܒ݂ܳܘ̈ܗܝ. אח ܘܢܷܬܼܒܰܪܟ݂ܘܽܢ ܒܙܰܪܥܳܟ݂ ܟܠܗܘܳܢ ܥܰܡ̈ܡܷܐ ܕܐܰܪܥܳܐ: ܚܠܳܦ ܕܰܫܡܰܥܬ ܒܩܳܠܝ.
Abraham’s Commission of Eliezer
Genesis 24:2-9
2 Abraham called his oldest servant, chief of his house, in charge of all he had, and said to him, “Put your hand under my waist, 3 and I shall adjure you by the Lord, the God of Heaven and the God of earth, to not take a wife for my son from the daughters of the Canaanites, among whom I reside. 4 Rather go to my land and kindred and take a wife for my son Isaac.” 5 The servant said to him, “And if the woman does not want to follow me into this land, shall I indeed return your son into the land from which you went?” 6 Abraham said to him, “Make sure you return my son from there. 7 The Lord, the God of Heaven, who led me from there, from the house of my father, and from the land of my kinsmen, who spoke to me, and who made a covenant with me: ‘To your offspring I shall give this land’— may He send his angel in front of you. You will take a wife for my son from there. 8 If the woman will not be persuaded to come with you, be vindicated from this oath of mine. Only do not return my son back there.” 9 The servant put his hand beneath the waist of Abraham, his master, and he swore to him this statement.
ב ܘܰܩܪܳܐ ܐܰܒ݂ܪܳܗܳܡ ܠܥܰܒ݂ܕܷܗ ܣܳܒ݂ܳܐ ܪܰܒ ܒܰܝܬܷܗ ܕܫܰܠܝܼܛ ܒܟ݂ܠ ܕܐܝܼܬܼ ܠܷܗ: ܘܐܷܡܰܪ݂ ܠܷܗ: ܣܝܼܡ ܐܝܼܕ݂ܳܟ݂ ܬܚܷܝܬܼ ܚܰܨܝ. ג ܘܐܳܘܡܝܳܟ݂ ܒܡܳܪܝܳܐ ܐܰܠܳܗܳܐ ܕܰܫܡܰܝܳܐ ܘܐܰܠܳܗܳܐ ܕܐܰܪܥܳܐ: ܕܠܳܐ ܬܷܣܰܒ݂ ܐܰܢ̱ܬܿܬܼܳܐ ܠܒܷܪܝ ܡ̣ܢ ܒ̈ܢܳܬܼ ܟܢܰܥ̈ܢܳܝܷܐ ܕܝܳܬܷܒ݂ ܐ̱ܢܳܐ ܒܰܝܢܳܬܼܗܘܳܢ. ד ܐܷܠܳܐ ܠܐܰܪܥܝ ܘܰܠܬܼܳܘ̈ܠܕ݂ܳܬܼܝ ܙܷܠ: ܘܣܰܒ݂ ܐܰܢ̱ܬܿܬܼܳܐ ܠܒܷܪܝ ܐܝܼܣܚܳܩ. ה ܘܐܷܡܰܪ݂ ܠܷܗ ܥܰܒ݂ܕܳܐ: ܘܐܷܢ ܠܳܐ ܬܷܨܒܷܿܐ ܐܰܢ̱ܬܿܬܼܳܐ ܠܡܷܐܬܼܳܐ ܒܳܬܼܪܝ ܠܐܰܪܥܳܐ ܗܳܕܷܐ: ܡܰܗܦܳܟ݂ܘܽ ܐܰܗܦܟܝܘܽܗܝ ܠܰܒ݂ܪܳܟ݂ ܠܐܰܪܥܳܐ ܕܰܢܦܰܩܬ ܡ̣ܢ ܬܰܡܳܢ. ו ܘܐܷܡܰܪ݂ ܠܷܗ ܐܰܒ݂ܪܳܗܳܡ: ܐܷܙܕܰܗܪ ܠܳܟ݂ ܕܰܠܡܳܐ ܬܰܗܦܷܟ ܠܒܷܪܝ ܠܬܰܡܳܢ. ז ܡܳܪܝܳܐ ܐܰܠܳܗܳܐ ܕܰܫܡܰܝܳܐ ܕܕܰܒ݂ܪܰܢܝ ܡ̣ܢ ܬܰܡܳܢ: ܡ̣ܢ ܒܷܝܬܼ ܐܰܒ݂ܝ: ܘܡ̣ܢ ܐܰܪܥܳܐ ܕܬܼܳܘ̈ܠܕ݂ܳܬܼܝ: ܘܕܷܐܡܰܪ ܠܝܼ: ܘܕܰܐܩܝܼܡ ܠܝܼ: ܕܰܠܙܰܪܥܳܟ݂ ܐܷܬܿܠܝܼܗܿ ܐܰܪܥܳܐ ܗܳܕܷܐ : ܗܘܽ ܢܫܰܕܰܪ ܡܰܠܰܐܟܷܗܿ ܩܕ݂ܳܡܰܝܟ: ܘܬܷܣܰܒ݂ ܐܰܢ̱ܬܿܬܼܳܐ ܠܒܷܪܝ ܡ̣ܢ ܬܰܡܳܢ. ח ܘܐܷܢ ܠܳܐ ܬܷܬܿܛܦܝܼܣ ܐܰܢ̱ܬܿܬܼܳܐ ܠܡܷܐܬܼܳܐ ܥܰܡܳܟ: ܗܘܳܝܬܿ ܙܰܟܳܝ ܡ̣ܢ ܡܳܘ̈ܡܳܬܼܝ ܗܳܕܷܐ: ܒܰܠܚܘܳܕ݂ ܠܒܷܪܝ ܠܳܐ ܬܰܗܦܷܟ ܠܬܰܡܳܢ. ט ܘܣܳܡ ܥܰܒ݂ܕܳܐ ܐܝܼܕܷܗ ܬܚܷܝܬܼ ܚܰܨܷܗ ܕܐܰܒ݂ܪܳܗܳܡ ܡܳܪܷܗ: ܘܝܼܡܳܐ ܠܷܗ ܥܰܠ ܦܷܬܼܓ݂ܳܡܳܐ ܗܳܢܳܐ.
Eliezer's Prayer
Genesis 24:10-14
10 The servant led ten camels from the camels of his master and went, all of his master’s goods in his hand. He set out to Aram-nahrin to the village of Nahor. 11 He made his camels kneel outside the village by the well of water at evening time, the time women go out filling water. 12 He prayed and said, “Lord, God of my master Abraham, prepare before me today and do kindness with my master Abraham. 13 Look, I am standing by the well of water, and the daughters of the citizens are going out to fill water. 14 Let the girl to whom I say, ‘Let down for me your jar so I may drink,’ and who will say to me, ‘Drink. Also I give drink to your camels,’ may she be the one whom you prepared for your servant Isaac. By this I shall know you do goodness and truth with my master.”
אי ܘܰܕ݂ܒܰܪ ܥܰܒ݂ܕܳܐ ܥܷܣܪܳܐ ܓܰܡ̈ܠܝܼܢ ܡ̣ܢ ܓܰܡ̈ܠܷܐ ܕܡܳܪܷܗ ܘܐܷܙܰܠ: ܘܡ̣ܢ ܟܠ ܛܘܽܒ݂ܳܐ ܕܡܳܪܷܗ ܒܐܝܼܕܷܗ: ܘܩܳܡ ܐܷܙܰܠ ܠܐܳܪܳܡ ܢܰܗܪ̈ܝܼܢ ܠܰܩܪܝܼܬܼܳܐ ܕܢܳܚܘܳܪ. אא ܘܐܰܒ݂ܪܷܟ ܓܰܡ̈ܠܳܘܗܝ ܠܒܰܪ ܡ̣ܢ ܩܪܝܼܬܼܳܐ: ܥܰܠ ܒܷܪܳܐ ܕܡܰܝܳܐ ܠܥܷܕܳܢ ܪܰܡܫܳܐ: ܠܥܷܕܳܢ ܕܢܳܦ̈ܩܳܢ ܡܳܠ̈ܝܳܬܼ ܡܰܝ̈ܳܐ. אב ܘܨܰܠܝܼ ܘܐܷܡܰܪ݂: ܡܳܪܝܳܐ ܐܰܠܳܗܷܗ ܕܡܳܪܝ ܐܰܒ݂ܪܳܗܳܡ: ܛܰܝܷܒ݂ ܩܕ݂ܳܡܝ ܝܳܘܡܳܢܳܐ: ܘܰܥܒܷܕ݂ ܛܰܝܒܿܘܽܬܼܳܐ ܥܰܡ ܡܳܪܝ ܐܰܒ݂ܪܳܗܳܡ. אג ܗܳܐ ܐܷܢܳܐ ܩܳܐܷܡ ܐ̱ܢܳܐ ܥܰܠ ܒܷܪܳܐ ܕܡܰܝܳܐ: ܘܰܒ݂̈ܢܳܬܼ ܐ̱ܢܳܫܰܝ̈ ܩܪܝܼܬܼܳܐ ܢܳܦ̈ܩܳܢ ܠܡܷܡܠܳܐ ܡܰܝ̈ܳܐ. אד ܘܰܥܠܰܝܡܬܼܳܐ ܕܐܷܡܰܪ ܠܳܗܿ: ܐܰܪܟܷܢ ܠܝܼ ܩܘܽܠܬܷܟ݂ܝ ܕܐܷܫܬܷܐ: ܘܬܷܐܡܰܪ ܠܝܼ ܐܷܫܬܰܝ ܘܐܳܦ ܠܓܰܡ̈ܠܰܝܟ ܐܰܫܩܷܐ: ܗܝܼ ܗ̱ܝܼ ܕܛܰܝܷܒ݂ܬܿ ܠܥܰܒ݂ܕܳܟ݂ ܐܝܼܣܚܳܩ: ܘܰܒ݂ܗܳܕܷܐ ܐܷܕܰܥ ܕܥܳܒܷܕ݂ ܐܰܢ̱ܬ ܛܰܝܒܿܘܽܬܼܳܐ ܘܩܘܽܫܬܳܐ ܥܰܡ ܡܳܪܝ.
Testing of Rebekah
Genesis 24:15-21
15 He had not yet finished speaking, and here Rebekah went out, who was born to Bethuel the son of Milcah, wife of Nahor, brother of Abraham, a jar upon her shoulder. 16 The girl was very beautiful in appearance, a virgin, whom no man had known. She went down to the well, filled her jar, and went up. 17 The servant ran to meet her and said to her, “Let me drink a little water from your jar.” 18 She said to him, “Drink, my lord,” and hurried, lowered the jar upon her hand, and gave him drink. 19 She finished giving him drink and said, “Also, I will fill your camels until they finish drinking.” 20 She hurried and shook off her jar by the trough, ran again to the well to fill, and filled for all his camels. 21 The man was drinking, testing her, and lingering to know if the Lord made his way successful or not.
אה ܘܗܘ̱ܥܕܰܟܷܿܝܠ ܠܳܐ ܫܰܠܷܡ ܠܰܡܡܰܠܳܠܘܽ: ܘܗܳܐ ܪܰܦܩܳܐ ܢܷܦܩܰܬܼ ܕܐܷܬܼܝܰܠܕܰܬܼ ܠܰܒ݂ܬܼܘܽܐܷܝܠ ܒܰܪ ܡܷܠܟܳܐ ܐܰܢ̱ܬܰܬܼ ܢܳܚܘܳܪ ܐܰܚܘܽܗܝ ܕܐܰܒ݂ܪܳܗܳܡ: ܘܩܘܽܠܬܳܐ ܥܰܠ ܟܰܬܼܦܳܗܿ. או ܘܰܥܠܰܝܡܬܼܳܐ ܫܰܦܝܼܪܳܐ ܗ̱ܘܳܬܼ ܒܚܷܙܘܳܐ ܛܳܒ݂: ܒܬܼܘܽܠܬܳܐ ܕܓܰܒ݂ܪܳܐ ܠܳܐ ܝܰܕ݂ܥܳܗ: ܘܢܷܚܬܰܬܼ ܠܒܷܪܳܐ: ܘܰܡܠܰܬܼ ܩܘܽܠܬܳܐ ܘܣܷܠܩܰܬܼ. אז ܘܰܪܗܷܛ ܥܰܒ݂ܕܳܐ ܠܐܘܽܪܥܳܗܿ: ܘܐܷܡܰܪ݂ ܠܳܗ: ܐܰܫܩܳܐܝܼܢܝ ܩܰܠܝܼܠ ܡܰܝ̈ܳܐ ܡ̣ܢ ܩܘܽܠܬܷܿܟ݂ܝ. אח ܘܐܷܡܪܰܬܼ ܠܷܗ: ܐܷܫܬܰܝ ܡܳܪܝ: ܘܐܷܣܬܰܪܗܒܰܬܼ ܘܐܰܚܬܰܬܼ ܩܘܽܠܬܳܐ ܥܰܠ ܐܝܼܕܷܝܗܿ: ܘܐܰܫܩܝܳܬܷܗ. אט ܘܓܰܡܪܰܬܼ ܠܡܰܫܩܳܝܘܽܬܷܗ: ܘܐܷܡܪܰܬܼ: ܐܳܦ ܠܓܰܡ̈ܠܰܝܟ ܐܷܡܠܷܐ ܥܕܰܡܳܐ ܕܢܷܫܠܡܘܽܢ ܠܡܷܫܬܳܐ. בי ܘܐܷܣܬܰܪܗܒܰܬܼ ܘܢܷܦܨܰܬܼ ܩܘܽܠܬܳܗ ܠܫܷܩܝܳܐ: ܘܪܷܗܛܰܬ̱ ܬܘܽܒ݂ ܠܒܷܪܳܐ ܠܡܷܡܠܳܐ: ܘܰܡܠܰܬ̱ ܠܟ݂ܠܗܘܳܢ ܓܰܡܠܳܘ̈ܗܝ. בא ܘܓܰܒ݂ܪܳܐ ܡܰܫܩܷܐ ܘܡܷܬܼܒܰܩܷܐ ܒܳܗ: ܘܰܡܟܰܬܰܪ ܠܡܷܕܰܥ: ܐܷܢ ܐܰܨܠܰܚ ܡܳܪܝܳܐ ܐܘܽܪܚܷܗ: ܐܳܘ ܠܳܐ.
Marriage of Isaac and Rebekah
Genesis 24:61-67
61 Rebekah and her maiden rose up, mounted a camel, and followed the man. The servant took Rebekah and went. 62 Isaac had come from Well Where the Living Has Seen Me and was settling in the land of the south. 63 Isaac left to walk the field at evening time, raised his eyes, and saw here the camels coming. 64 Rebekah raised her eyes, saw Isaac, and dismounted the camel. 65 She said to the servant, “Who is this man coming in the field to meet us?” The servant said, “He is my master.” She took her bridal veil and covered herself. 66 The servant told Isaac all of the deeds he did. 67 Isaac brought her into his mother Sarah’s tent and took Rebekah, and she was his wife. He loved her, and Isaac was comforted after his mother.
וא ܘܩܳܡܰܬܼ ܪܰܦܩܳܐ ܘܰܥܠܰܝܡܬܼܳܗ: ܘܝܼܬܷܒ݂ ܥܰܠ ܓܰܡܠܳܐ ܘܐܷܙܰܠ ܒܳܬܰܪ ܓܰܒ݂ܪܳܐ: ܘܰܕ݂ܒܰܪ ܥܰܒ݂ܕܳܐ ܠܪܰܦܩܳܐ ܘܐܷܙܰܠ. וב ܘܐܝܼܣܚܳܩ ܐܳܬܷܐ ܡܷܐܬܼܳܐ ܡ̣ܢ ܒܷܪܳܐ ܕܚܰܝܳܐ ܚܙܳܢܝ: ܘܗܘ̱ܝܳܬܷܒ݂ ܒܐܰܪܥܳܐ ܕܬܰܝܡܢܳܐ. וג ܘܰܢܦܰܩ ܐܝܼܣܚܳܩ ܠܰܡܗܰܠܳܟ݂ܘܽ ܒܚܰܩܠܳܐ ܒܥܷܕܳܢ ܪܰܡܫܳܐ. ܘܐܰܪܝܼܡ ܥܰܝܢܳܘ̈ܗܝ ܘܰܚܙܳܐ: ܘܗܳܐ ܓܰܡ̈ܠܷܐ ܐܳܬܷܝܢ. וד ܘܐܰܪܝܼܡܰܬܼ ܪܰܦܩܳܐ ܥܰܝܢܷ̈ܝܗܿ ܘܰܚܙܳܬܼ ܠܐܝܼܣܚܳܩ: ܘܐܷܬܼܪܰܟ݂ܢܰܬܼ ܥܰܠ ܓܰܡܠܳܐ. וה ܘܐܷܡܪܰܬܼ ܠܥܰܒ݂ܕܳܐ: ܡܰܢܘܽ ܓܰܒ݂ܪܳܐ ܗܳܢܳܐ ܕܐܳܬܷܐ ܒܚܰܩܠܳܐ ܠܐܘܽܪܥܰܢ: ܘܐܷܡܰܪ݂ ܥܰܒ݂ܕܳܐ: ܗܘܽܝܘ̱ ܡܳܪܝ: ܘܢܷܣܒܰܬܼ ܪܕ݂ܝܼܕ݂ܳܐ ܘܐܷܬܼܟܰܣܝܰܬܼ. וו ܘܐܷܫܬܰܥܝܼ ܥܰܒ݂ܕܳܐ ܠܐܝܼܣܚܳܩ ܟܠܗܘܳܢ ܦܷܬܼܓ݂ܳܡܷ̈ܐ ܕܥܷܒ݂ܕܰܬܼ. וז ܘܐܰܥܠܳܗܿ ܐܝܼܣܚܳܩ ܠܡܰܫܟܢܳܐ ܕܣܰܪܳܐ ܐܷܡܷܗ: ܘܢܰܣܒܳܗܿ ܠܪܰܦܩܳܐ: ܘܰܗܘܳܬܼ ܠܷܗ ܐܰܢ̱ܬܿܬܼܳܐ: ܘܪܰܚܡܳܗܿ: ܘܐܷܬܼܒܰܝܰܐ ܐܝܼܣܚܳܩ ܒܳܬܰܪ ܐܷܡܷܗ.
Death of Abraham
Genesis 25:7-11
7 These were the days’ years’ of Abraham’s life: he lived one hundred seventy-five years. 8 Abraham fell ill and died at a good old age. He grew old, sated with his days, and was gathered to his people. 9 His sons Isaac and Ishmael buried him inside the double cave in the field of Ephron, son of Zohar the Hittite, before Mamre, 10 the field Abraham bought from the Hittites as burial inheritance. There Abraham was buried along with his wife Sarah. 11 And after Abraham’s death, God had blessed his son Isaac.
ז ܘܗܳܠܷܝܢ ܝܳܘ̈ܡܰܝ ܫܢ̈ܰܝ ܚܰܝܳܘܗܝ ܕܐܰܒ݂ܪܳܗܳܡ ܕܰܚܝܳܐ: ܡܳܐܐ ܘܫܰܒ݂ܥܝܼܢ ܘܚܰܡܷܫ ܫܢ̈ܝܼܢ. ח ܘܐܷܬܼܟܪܰܗ ܘܡܝܼܬܼ ܐܰܒ݂ܪܳܗܳܡ ܒܣܰܝܒܘܽܬܼܳܐ ܛܳܒ݂ܬܼܳܐ: ܣܐܷܒ݂ ܘܰܣܒܰܥ ܝܳܘ̈ܡܳܬܷܗ: ܘܐܷܬܼܟܰܢܰܫ ܠܘܳܬ ܥܰܡܷܗ. ט ܘܩܰܒ݂ܪܘܽܗܝ ܐܝܼܣܚܳܩ ܘܐܝܼܫܡܳܥܷܝܠ ܒܢܳܘ̈ܗܝ: ܒܰܡܥܰܪܬܼܳܐ ܐܰܥܝܼܦܬܳܐ ܕܰܒ݂ܚܰܩܠܳܐ ܕܥܷܦܪܘܳܢ ܒܰܪ ܨܳܚܰܪ ܚܷܬܼܳܝܳܐ ܕܰܩܕ݂ܳܡ ܡܰܡܪܷܐ. אי ܚܰܩܠܳܐ ܕܰܙܒܰܢ ܐܰܒ݂ܪܳܗܳܡ ܡ̣ܢ ܒܢ̈ܰܝ ܚܷܝܬܼ ܠܝܘܽܪܬܳܢܳܐ ܕܩܰܒ݂ܪܳܐ: ܬܰܡܳܢ ܐܷܬܼܩܒܰܪ ܐܰܒ݂ܪܳܗܳܡ ܘܣܰܪܳܐ ܐܰܢ̱ܬܿܬܷܗ. אא ܘܰܗ̱ܘܳܐ ܡ̣ܢ ܒܳܬܰܪ ܕܡܝܼܬܼ ܐܰܒ݂ܪܳܗܳܡ: ܒܰܪܷܟ ܐܰܠܳܗܳܐ ܠܐܝܼܣܚܳܩ ܒܪܷܗ: